La Casa de los Famosos a habri su portanan dia 24 di augustus pa 16 celebridad, cu a acepta e reto pa convivi bou di mesun dak den completo aislamento di e mundo exterior, mientras nan pasonan tabata ser vigila pa mas di 50 camara y 60 microfon 24 ora pa dia, 7 dia di siman.
Awe nochi, casi 3 luna despues di loke a bira e cas mas famoso di television hispano, lo cera su portanan cu un ultimo episodio di 3 ora di duracion, completamente live a traves di e pantaya di Telemundo como tambe riba e website di e canal.
Awe lo proclama e ganado di e reality show exitoso aki, cu ta un proyecto di Telemundo. E cinco celebridadnan cu a keda den e cinco finalistanan pa e final ta: Alicia Machado, Cristina Eustace, Pablo Montero, Manelyk González y Kelvin Rentería.
Un di nan lo gana e premio di $200 mil dollar. Pa yega te na final, e streanan cu a keda como finalista mester a pasa den hopi cos. E publico lo dicidi ken lo bira e ganado atraves di un votacion riba e pagina di Telemundo.
