Den e comienso di e aña aki un hende a puntra Derin Kucuk, cua tabata e miho momento di su bida y na e momento ey, e no tabatin un contesta. Si haci mesun pregunta ey awo, sin duda e tin hopi contesta, pero esaki ta top nan tur. E anochi cu el a tuma e ‘next step’ na realisa un di su soñonan di bida, motiva y inspira otro pa bira e miho version di nan mes. E evento celebrando ‘Self-Love’ di Futura tabata un evento pa bay den Aruba su historia, mirando cu e ta e comienso di algo berdaderamente impactante y innovativo.
Preparando su mes pa bay y comparti su ‘self-love story’, loke Derin ta yama su ‘soul journey’, e tabata asina nervioso manera e dianan tabata acercando. El a puntra su mes, con e ta bay comparti e storia di su bida personal sin lastima esunnan cu e ta stima, y tambe por relaciona na un audiencia cu hendenan cu e tabata sa, cu mester scucha su storia. Di algun manera el a logra haya e balans perfecto y a enfrenta miedo di ta vulnerabel dilanti otronan.
El a papia su berdad, el a preserva e privacidad di esunnan cu e ta stima, y el a logra relaciona su mes cu hopi di e hende muhenan den e audiencia. Derin a pensa si ‘at least’ su storia a inspira un persona pa cuminsa conscientemente riba nan trayecto, el a haci algo bon. Lesa mas di ‘un caminda pa un bida yen di abundancia’ den edicion di Focus Digital Magazine di november, cu ta accesibel ‘gratis’ via Apple Store of Android Google Play Store, cu por download e aplicacion riba un smartphone of tablet. E revista ta accesibel tambe via www.focus.aw (Click e tab FOCUS DIGITAL riba e menu).
