Thanksgiving ta un dia festivo yena cu recuerdo, actividad y tempo di calidad cu famia. Sinembargo loke mas ta entusiasma hopi hende ta realmente e cuminda! Kisas nos tin e pensamento cu e streanan di Hollywood ta come cumindanan extravagante di 5 strea so, pero nan dia festivo no ta parce mucho diferente cu esun di hopi otro hende. Si bo ta un strea di Hollywood of un hende gewoon, e miho caminda pa yega un persona su curason ta door di su stoma, y Thanksgiving ta e miho manera pa yega eynan.
Kris Jenner
“Mi tin un schrift juist pa Thanksgiving, cu ta mi segundo dia festivo faborito. Mi ta cambia e platonan di un aña pa otro, pero di mes mi tin e faboritonan di e famia, cu semper ta yega riba mesa, manera mi souffle di batata dushi”.
Chrissy Teigen
“Calacuna ta laaf y no ta dushi! Mi ta haci dos galiña, pasobra galiña ta mas miho y tambe bo por haya un sauce dushi di dje. Realmente mi ta sinti cu e hendenan ta sinti nan obliga di come calacuna, y niun hende ta realmente disfruta di dje. Sorpresa tur hende, sirbi nan galiña y nan lo ta hopi contento”.
Khloe Kardashian
“Mi gusta cushina, normalmente mi ta na Cleveland cushinando tur plato. Mi ta cushina tur pero… mi encanta dessert. Mi ta famoso pa mi bolo di Oreo”.
Megan Markle
“Si bo ta buscando un alternativa pa e famoso cena di calacuna, cu ta asina popular den e epoca aki di aña, no busca mas, mi ta recomenda e receta delicioso y facil di galiña cu ta den e buki di cushina di Stanley Tucci, The Tucci Table”.
Sofia Vergara
“Mi ta adicto na bolo. Mi tin e semper na mi cas. Mi ta biaha cu ne”.
Jessica Alba
“Mi ta gusta cushina tur cos! Mi gusta calacuna, mi gusta e reyeno, mi gusta tur cos!”
Nicki Minaj
“Ta depende si e ta un Thanksgiving Americano, si ta esey mi ta gusta un poco di collard greens, mac and cheese y reyeno di calacuna. Pero si e ta un Thanksgiving di Trinidad, awel e ora ey mi kier come loke semper mi ta come, cu ta curry di galiña, roti y oxtail. E mesun cos cu semper nos ta come”.
Gigi Hadid
“Mi tata ta traha carni y reyeno hopi dushi, y mi mama ta conoci pa su wortel cu manteca y cranberry Jell-O”.
Camila Cabello
“Mi ta Cubano! Nos no ta sigui regla. Mi gusta calacuna”.
