E protagonistanan di ‘Spider-Man: No Way Home’, Tom Holland y Zendaya, a forma parti di e red carpet na e premiere di e pelicula nobo di Marvel Cinematic Universe (MCU). E actornan a pose pa e reporteronan grafico cu a acudi na The Old Sessions House na Londen. Tom Holland y Zendaya a capta e atencion di tur esunnan presente despues di a confirma nan relacion amoroso dilanti di e medionan di comunicacion. Na juli e aña aki algun paparazzi a saca nan potret ta sunchi den un auto Los Angeles, mustrando asina cu e actornan ta algo mas cu simplemente amigo.
E honor di a ricibi CFDA Awards como Fashion Icon ta mustra e tremendo impacto cu Zendaya a haci pa loke ta estilo. E look di e artista di 25 aña un biaha mas a impacta luciendo un jacket shinishi dorna cu payet, cu a match cu su meanan y sapatonan scur, ademas di su renchinan di spinnenweb. Tom Holland a opta pa algo mas casual bistiendo un carson preto, camisa blanco y un jacket preto di cuero. E potretnan di ambos celebridad a wordo comparti riba e cuenta oficial di e pelicula riba twitter.
