Di Candela cu Swafel pa un pareha hoben, cu ta kere den stima y balora otro. E aña aki nan a converti den un famia di 3: Jeanissa, Xavier y Xayvion Maduro, y aña 2022 lo ta un pareha hoben felizmente casa. Tempo e tabata chikito, Jeanissa a sali Reina Infantil di Carnaval y na 2015 el a gana e corona di Reina Hubenil di Aruba su Carnaval. Nan tabata ‘Candela cu Swafel’ y no tabatin un bon amistad door cu Jeanissa a gana mientras Xavier tabata apoya un otro reina.
Despues di mas cu 1 aña nan a mira otro bek, y asina a crea un amistad te cu oficialmente Xavier a dicidi di pidi Jeanissa riba 1 di januari 2017 pa por forma parti di su bida y ta su pareha. Despues di un relacion pa 4 aña y mey, e anochi di e ‘gender reveal’ mirando e screen hunto cu nan famia y amistadnan pa haya sa ki baby nan ta sperando, Xavier a bay na rudia y ‘Pop up’ e pregunta: “Jeanissa bo kier casa cu mi?”.
Lesa e entrevista cu Xavier & Jeanissa di tur nan plannan pa 2022 den Focus Digital di e luna aki, cu ta accesibel riba e plataformanan digital y awo ademas di Apple iStore y Android Google Play Store, e rta tambe riba www.focus.aw (Menu Tab FOCUS DIGITAL).
