Despues di a confirma cu e no ta mas cu Roberto Romano, Alicia Machado a bisa cu e ta cla pa celebra den grandi e 15 aña di su yiu muhe, Dinorah Valentina, no cu un fiesta pero cu dos, uno na Mexico y otro na Merca. E yiu muhe di e Ex-Miss Universo ta mitar mexicano y tin e famia di parti di su tata bibando eynan. E fiesta di Dinorah ta un acontecimento importante pa Alicia, ken recientemente a resulta ganadora di e reality show ‘La casa de los famosos’, unda el a ricibi 200,000 dollar como esun cu a haya mas voto.
Den un entrevista recientemente pa ‘Sale el Sol’, Alicia a revela cu su yiu kier un fiesta tradicional manera cualkier hoben di su edad, cu e unico diferencia cu ta spera pa e tin dos celebracion. Dinorah, ta e yiu cu Alicia a haya durante su relacion cu e empresario mexicano Rafael Hernández Linares, aunke segun e medionan no sa mucho tocante e relacion entre tata y yiu. Alicia Machado su postnan riba su rednan social ta mustra, cu e ta esun cu a cria su yiu for di chikito, aunke hopi biaha el a lamenta e situacion, e ta bisa cu e ta sintie orguyoso di ta un mama soltera.
Na 2018 durante un entrevista, e actriz a bisa: “Mi yiu ta legalmente di mi, mi yiu ta un ciudadano norteamericano y ami den e pais aki tin tur e derechonan di ser un mama soltera, den tur sentido di palabra”. Machado y su yiu tin un relacion hopi estrecho, loke a permiti Dinorah ta hopi cerca di su mama den tur e eventonan cu e ta asisti, manera riba red carpet y diferente programa di television.
