Britney Spears a bisa su fans cu nunca el a sinti su mes miho, despues cu el a comparti e potretnan di dje sunu riba su Instagram. E strea di 40 aña a uza emojis di flor y curason pa tapa su partinan intimo y tambe pa sigura cu Instagram no lo kita su post. E potretnan ta mustra Britney completamente sunu, aparte di e meanan blanco cu ta yega te su bilnan y un chocker di canchi blanco na su garganta.

No ta e prome biaha cu Britney ta comparti potretnan picante di su mes online, cu ta resulta den su siguidonan expresando preocupacion pa su bienestar. Sinembargo, Britney a cuminsa kita e opcion pa hende haci comentario riba su publicacionnan, esaki ta pone cu su siguidonan no por comparti nan opinion riba su potretnan.

Un rato despues cu el a publica su potretnan sunu riba Instagram, el a pone otro potretnan di dje unda cu e ta modelando un bikini di cintura halto roos y blanco, bril di solo y hilchi. E ta skirbi cu e no tabata sigur ki pa pensa di e outfit. El a comenta: “Esaki ta mi prome trahe di baño cu cintura halto … mi fiance ta guste, pero ami no ta sigur… e ta increibel paso e cintura por wordo ahusta ariba of abou”.

Britney tambe a comparti varios video di dje bailando Madonna su canticanan. Tambe el a publica un potret cu ‘meadow flowers’, cu un splicacion con e ta sinti awo, cu e ta liber di su ‘conservatorship’. E cantante recientemente a keda liber di un acuerdo di tutela, cu a permiti su tata Jamie Spears pa controla su bida y su finansa pa casi 14 aña. Desde e tempo cu el a bira liber pa haci locual e kier cu su bida, Britney su postnan riba su rednan social tin mas coketeria cada biaha.

LEAVE A REPLY

Please enter your comment!
Please enter your name here