Scucha ‘Aruba’ su nomber resona den Top 20 di Miss Eco International 2022 ta un experiencia cu nunca Zury ta bay lubida. E lo kier bisa cu e tabata sorprendi, pero sabiendo con duro el a traha y teniendo e ekipo increibel cu e tabatin, e no tabata sorprendi, pasobra el a sinti cu el a merece.
Mirando cu e tabatin solamente 1 luna di preparacion door cu e tabata un decision di ultimo momento. Zury mester a haci bastante sacrificio y anochinan sin drumi pa prepara e miho cu e tabata por. Cu e ayudo di su ‘Aruba Team’, specialmente di su mama, e por a combina e preparacion di Miss Eco cu su estudio den Process & Food Technology.
Si e tin cu describi su experiencia na Miss Eco International, e lo ta gañando si e bisa cu tur cos tabata maraviyoso, bunita y briyante. E tabata dificil riba algun dia, specialmente ora e tabata su so y no tabatin niun ayudo fisico. E mester a haci tur cos riba su mes. Sinembargo, e tabata un experiencia fantastico.
Zury ta comparti tur loke el a experiencia te cu awo den e mundo di certamen di beyesa y kico tur por spera di dje den futuro den FOCUS Digital Magazine di e luna di juni. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
