E cantante Britney Spears y Sam Asghari a bisa ‘Sí’ dilanti apenas 60 invitado, E pareha a casa bou di un tent color ros fabuloso na e popstar su mansion di $7 miyon na California. E venue tabata decora cu varios chandeliers y cu flornan precioso cayendo for di laira, mientras e invitadonan tabata sinta riba banki di palo. Pafo di e cantante su mansion tabatin un koets cu cabay estilo di Cinderella tabata wardando e pareha.
E ta un caminda di obstaculo pa por a yega na su destino, pero Britney a logra esaki. Despues di a anuncia su compromiso cu Sam Asghari, e cantante porfin por a uni su bida den union matrimonial cu e homber cu semper tabata na su banda, den e temponan di mas duro cu el a enfrenta. E yiunan di Britney, Sean Preston (16) y Jayden James (15) no a asisti na e boda, pero segun e abogado Kevin Federline, nan ta feliz pa nan mama.
Entre esunnan cu a sobresali ta Madonna, Paris Hilton, Drew Barrymore, Donatella Versace y Selena Gomez, cu no kier a perde e dia tan anhela di nan amiga. Nan a join e novia den un momento bunita cantando un couplet di ‘Vogue’, un clasico di Madonna di 1990. Britney a luci un creacion di Versace y tabata e epitome di bridal chic, ora el a casa cu su partner despues di menos di un aña cu nan a compromete.
Spears y Madonna cu ta amiga di hopi aña, cu a colabora cu e exito ‘Me Against the Music’ na 2003, tambe a comparti un momento sweet riba e pista di baile durante e recepcion.
Niun hende di Britney su famia, cu excepcion di e ruman homber, Bryan, tabata presente na e ceremonia. Ni Britney Spears su tata Jamie, mama Lynn y ruman muhe Jamie Lynn, a presencia e momento memorabel aki hunto cu ne. E bataya legal cu Britney a biba cu su progenitor den e ultimo añanan, y e falta di apoyo di e miembronan di su famia, ta cual a haci cu el a kibra e laso familiar cu nan.
