Mas di 200 pareha a participa na e di cuater edicion di ‘Aruba, I Do Vow Renewal’, cual pa prome biaha a conecta via “livestreaming” cu Facebook y Instagram. E parehanan tabata feliz, unda por a sinti e amor den e publico. Como maestro di ceremonia Edjean Semeleer a dirigi e evento aki. Andy Osbourne a oficia e ceremonia di renobacion di e promesa matrimonial. Pa clausura e atardi aki, Edjean a canta algun cancion dedica na e parehanan, compaña pa steelpan.
E aña aki a conta cu presencia di e pareha di actor y actriz influyente Colombiano, Alejandro Estrada y Nataly Umana, cu a renoba nan promesa di matrimonio. Tanto prome cu e evento, durante y despues di e evento, Aruba a ricibi cobertura di diferente medio, mientras cu e participantenan mes tambe a comparti nan experiencia riba diferente red social. Mirando cu otro aña lo bira e di 5 edicion, e preparacionnan lo cuminsa na A.T.A. pa asina por ofrece e participantenan un biaha mas un experiencia inolvidabel.
