Den su entrevista cu Vogue, e modelo Canades di 57 aña, Linda Evangelista, a bisa e directora di e seccionnan di moda, Sara Harris, cu e portada di e revista a ser mehora. Nan a uza tape y lastik pa su prome portada di Vogue, despues di e tratamento ‘fat-freezing’ cu a lag’e brutalmente desfigura. Esey no ta su cara ni nek den bida real, y el a bisa cu e no por cana rond cu tape y lastik tur caminda. E makeup artist, Pat McGrath, a rek cuidadosamente su cara, cacumbein y nek patras cu tape y lastik.

E fotografo Steven Meisel a haci e photoshoot di e modelo cu a bisti diseño di e marcanan, Chanel, Fendi y Dolce & Gabbana. Su cabey y curpa a ser tapa den cada shot, lagando e focus solamente riba su cara. Evangelista a bisa tambe cu despues di sconde su mes durante cinco aña: “Mi ta purba di stima mi mes manera cu mi ta”.

E modelo a gradici riba su Instagram henter e team, ekipo y asistentenan na e set y patras di camera, cu a yuda crea e bunita storia y haci e momento aki asina special. Linda Evangelista tabata un di e modelonan mas reconoci di e industria di moda den e decada di 1990.

LEAVE A REPLY

Please enter your comment!
Please enter your name here