E actriz, Sarah Hyland, di ‘Modern Family’ a casa den un bunita ceremonia den aire liber cu Wells Adams di ‘Bachelor in Paradise’ na Sunstone Winery na California. Sarah Hyland di 31 aña, a luci dos shimis di bruid di Vera Wang, e diseñadora cu a crea tambe e shimis di bruid di Mariah Carey, Ariana Grande y Gwen Stefani. Sarah a mustra estupendo den su shimis ‘off-the-shoulder’ pa e ceremonia y scogiendo un di dos creacion pa e recepcion.
![](https://focus.aw/wp-content/uploads/2022/08/vogue-wedding-sarah-jane-hyland-wells-richard-adams-029-683x1024.png)
![](https://focus.aw/wp-content/uploads/2022/08/vogue-wedding-sarah-jane-hyland-wells-richard-adams-030-683x1024.png)
Pa e ceremonia e actriz a luci un shimis di seda ivory plisa na man y cu un escote curason, e manganan di twil frances y un split halto. Su velo largo traha na man cu rand di canchi di appliqué macramé. Hyland su cabey scur tabata wanta patras y cu algun krul suave. El a complementa su look cu sapato blanco cu adorno di cristal, armband y renchi di horea di diamante.
![](https://focus.aw/wp-content/uploads/2022/08/Sarah-Hyland-marries-Wells-Adams-4-e1661633230521-1009x1024.jpeg)
![](https://focus.aw/wp-content/uploads/2022/08/300966457_1213445686113147_9077041969813801797_n-1024x1024.jpeg)
E momento cu e fiesta a cuminsa, Sarah Hyland a cambia pa un shimis di crepe italiano blanco mas pega na su curpa y cu tambe tabata ‘off-the-shoulder’, manganan di twil cu canchi macramé pega na man. Vera Wang ta duna e oportunidad na e bruidnan pa tuma diferente ruta cu nan look nupcial. Pa explora nan propio creatividad, nan propio tipo di curpa y nan propio forma di bisti.
![](https://focus.aw/wp-content/uploads/2022/08/300577699_1858335377703281_3995119788358079156_n-819x1024.jpeg)