Momento cu ‘Triangle of Sadness’ a gana Cannes Film Festival’s Palme d’Or na comienso di e aña aki, Charlbi Dean a bisa cu e tabatin e miho aña haciendo e pelicula aki, durante un di e momentonan mas dificil di su bida.
Un representante di Dean, a informa na media cu el a muri dialuna na New York di un enfermedad repentino y inespera, sinembargo e enfermedad no a ser revela. E actriz di 32 aña naci na Sur Africa tabata activo riba e rednan social, y su ultimo publicacion el a comparti algun dia pasa. Dean a publica un serie di potret di modelahe profesional riba Instagram.
E tributonan a yega mesora di su fans den e seccion di comentario. Un comentarista a skirbi pa e actriz y modelo descansa na paz y aunke e no tabata conoce, e tabata su role model. El a gradici Dean pa ta su inspiracion.
Na comienso di e luna aki, Dean a publica un trailer di Triangle of Sadness, cu ta pa ser lansa na Merca dia 7 di october. Dean ta interpreta e modelo Yaya, un invitado riba un superyacht, pero e cosnan a sali malo p’e. E premiere di e pelicula tabata na Cannes Film Festival na mei.
