Aunke Gabriëla Pereira dos Santos nunca a imagina di converti den Miss Universe Curaçao, e ta encanta pa ‘challenge’ kico e oportunidad aki ta trece, pa por haci un diferencia den e bida di e hendenan. Tur dia e ta trata di ser un ‘role model’ pa otronan por sigui, y mustra cu tur cos ta posibel si bo propone esaki. E madurando tur dia di manera cu e no por splica, no solamente mentalmente, sino tambe spiritualmente y emocionalmente.
E ta extremadamente orguyoso di tur e sacrificionan personal pa yega na e momento aki. E berdadero desafio no ta solamente alcansa, pero surpasa su metanan y expectativanan. Gabriëla Pereira dos Santos ta describi su mes como un persona dinamico, energico y por conecta facilmente cu persona di diferente origen y rasa. Personalmente e ta kere cu no tin niun rikesa of exito, cu por kita e importancia di famia cu p’e realmente ta significa tur cos.
Actualmente Gabriëla ta na Merca preparando intensivamente pa duna e miho di dje den e certamen, y ta comprometi y enfoca riba su obhetivo pa alcansa e titulo di Miss Universe. E ta bisa di lo traha incansablemente pa haci un impacto positivo na su isla natal. Den su entrevista den Focus Digital Magazine por conoce mas di Miss Universe Curaçao. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
