E ta keda un experiencia inolvidabel pa Edgar Kock, cu den su debut como diseñador oficial, el a logra e titulo di Best Gala Dress. Esaki tabata na aña 1998 cu su prome candidata, Ruthline Jacobs, cu a ricibi e titulo tambe como 2nd Runner-up Miss Teen Aruba. Esaki a encurasha Edgar pa traha mas duro, cu amor y perserverancia. E lista di Reina y Miss cu Edgar Kock a diseña nan trahenan durante e ultimo añanan ta largo.
E creacionnan mas reciente tabata pa su subrina, cu a keda corona como Miss Teen Glorious y pa Gabriela dos Santos, cu a conkista e titulo di Miss Universe Curaçao. Sinembargo, e ta bisa cu diseña pa su subrina, Tychessa Melo, tabata un presion hopi grandi riba dje. Como su omo, tur expectativa ta cu e gala dress ta uno di caliber y no ta un tarea facil ora ta toca pa traha cu persona di sanger.
Edgar ta conta con a surgi e contacto cu Gabriela dos Santos, y con el a yega na scoge pa e ta su diseñador. Sinembargo awo cu Gabriela dos Santos ta Miss Universe Curaçao ya no ta su decision cu ken e mes kier traha, sino di e organisacion di Miss Universe Curaçao. Gabriela cu ta riba e portada di Focus Digital Magazine di september ta bisa den su entrevista, cu e shimisnan di gala di Edgar tabata asina elegante, bunita y detaya, cu tabata facil pa e namora!
Entre e elementonan clave ora di diseña pa un reina di beyesa, Edgar Kock ta splica cu e ta tene cuenta cu e estilo propio, personalidad, carisma… lesa mas detaye den Focus Digital Magazine, cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
