E noticia di e reconciliacion entre Sylvester Stallone (76) y su casa Jennifer Flavin (54) a sali 1 luna despues cu nan a pidi divorcio. Segun informacion cu tanto Flavin como Stallone, a acorda cu ta miho pa cada uno individualmente y loke ta mas importante, colectivamente como familia, resolve tur e cuestionnan relaciona cu e disolucion di nan matrimonio di un forma digno, amistoso y priva pafo di corte.
E representante di e actor di Rocky a bisa na Page Six cu nan a dicidi di bolbe reuni na cas, unda nan a papia y por a resolve nan diferencianan. Ambos ta extremadamente feliz. Jennifer Flavin y Sylvester Stallone cu tin tres yiu muhe: Scarlet (20), Sistine (24) y Sophia (26), a casa na mei 1997 y a solicita pa divorcio dia 19 di augustus.
Despues di a dicidi pa divorcia, Flavin a declara cu e tin tristesa pa anuncia cu despues di 25 aña casa, e ta divorcia di su casa Sylvester Stallone. Cu aunke ya nan no ta casa, semper e lo aprecia e mas di 30 añanan cu nan a comparti, y cu nan ta comprometi pa nan bunita yiu muhenan. El a pidi e momento ey pa privacidad pa nan famia mientras nan ta avansa amigablemente.
E actor di Rambo a bisa tambe den un comunicado na e momento ey cu e ta stima su famia. Nan ta enfrentado e problemanan personal di un manera amistoso y priva. Stallone a post dialuna riba su Instagram un potret di dje man teni cu Jennifer Flavin. Ademas di e potret ey, Stallone a comparti tambe un potret familiar di antes di dje, su casa y tres yiu muhenan. El a pone e caption: “Wonderful…”.
