PASION Y DEDICACION CREANDO CADA PLATO

For di chikito Ruben Dario Hernandez tabata admira su defunto wela su amor y pasion pa cushina. E por a sinti y saboria e smaak dushi den cada hap di cuminda di su delicioso platonan. Esey a inspira y motiva su desicion pa siña mas tocante e arte culinario.

E tabata durante pandemia cu Ruben Dario Hernandez a cuminsa traha como private chef pa grupo di turista y hende local. Hunto cu su team el a ‘cater’ pa diferente ocasion y ta complace e deseo di e clientenan pa bay cushina unda cu nan pidi pa e ta presente.

Chef Ruben ta haya great pa explora y crea e platonan di diferente cultura, como cu cada pais tin nan condimento y manera di cushina. E ta inspira su menu di 3, 4 of te hasta 8 course dinner, cu ta consisti di e platonan local, Italiano, Asian cuisine y mucho mas.

E ta pone tur su pasion cada dia na cada plato cu e mester crea cu e mesun amor y dedicacion. Asina brindando su clientenan un variedad amplio pa scoge for di dje, cual e ta disfruta cushina. Lesa mas tocante Chef Ruben den Focus Digital Magazine, cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL)