E tema di e aña aki pa Dia Mundial di Turismo manera proclama pa UNWTO ta “Reconsiderando Turismo”, cual lo inspira discusionnan riba reconsideracion di turismo pa desaroya terminonan di educacion y empleo, e impacto di turismo riba sostenibilidad di e planeta y varios oportunidad cu por desaroya sostenibilidad.
Pa motibo di e pandemia e ultimo dos añanan tabata añanan di desafio tanto pa e industria turistico como e operacion di aeropuerto. Sinembargo, cu un recuperacion di 34 % na 2020 y un recuperacion mayor di 69 % na 2021 compara cu e cifranan di e trafico pre-pandemia na 2019, ta spera un recuperacion di 92 % pa 95 % pa 2022. E motor principal te cu aworaki, tabata e mercado Americano. Pa 2023 padilanti, nos ta spera di alcansa e nivelnan pre-pandemia un biaha mas. E aerolineanan a demostra di ta bastante resiliente y capas pa aumenta nan operacionnan di manera rapido y sostenibel desde cu turismo tabata bonbini atrobe na Aruba. E demanda pa biahe di placer tambe a aumenta considerablemente debi na e demanda acumulativo cu a domina den henter e industria di biahe.
Pa adapta na e dinamismo nobo den e mercado, pa actua inmediatamente riba e oportunidadnan, anticipa y reaciona riba menasanan, aeropuerto y aerolineanan mester ta mas abil y cooperativo. E tecnicanan nobo pa por capta e oportunidadnan aki ta encera explora e retonan competitivo basico, cu e aeropuertonan chikito ta enfrenta den retene of mehora e servicio comercial aereo. E tecnicanan nobo di colecciona data combina cu historia global di demanda y data di capacidad di industria ta wordo uza pa predici demanda den un forma cu lo traha efectivo hasta si resultado di e aña anterior bira menos representativo.
Cu e desaroyonan positivo aki, AAA awo ta mirando un interes significativo y oportunidadnan pa expande e network actual permitiendo pa diversificacion di origen di mercado. E oportunidadnan di crecemento ta consisti, por ehempel den desaroyo di e mercado Europeo fiha pa maart 2023 cu un servicio nobo desde Reino Uni cu British Airways, expandiendo oportunidad di network for di e mercado Colombiano cu mas operadornan, operando desde e puntonan di acceso importante manera Bogota, Barranquilla y Medellin y ampliacion di servicio entre e islanan di Caribe Hulandes y den e region di Caribe cu incorporacion di aerolineanan nobo y avionnan mas grandi entre e operadornan actual.
Segun e futuro ta desaroya, unda e demanda ta mucho mas instabiel, strategia di network ta wordo realisa miho ora cu tin combersacionnan cu tur stakeholders. Esaki ta yuda aeropuerto duna forma na su futuro y crea un cultura di colaboracion y compromiso necesario pa ehecuta e strategia defini recientemente. Na 2021, Aruba Airport Authority N.V. (AAA), manager y operador di Aruba Airport, a inicia cu su propio biahe strategico cual ta respalda e vision di AAA pa converti den un di e aeropuertonan mas sostenibel, sigur y a prueba di futuro den e region. Esaki lo wordo sosteni den henter e compania door di proporciona un luga di trabou confiabel, facilidadnan moderno y un excelente servicio na e cliente, cu ta refleha e hospitalidad Arubiano, contribuyendo na un futuro prospero pa Aruba. E proposicion strategico a keda estableci den un Strategia Corporativo Multi Anual (Multi Annual Corporate Strategy – MACS). AAA a determina tambe su aspiracion pa 2030 cu ta a termino largo pa henter e compania, cu ta e ‘purpose-driven vision’ di unda AAA su meta ta pa yega na 2030.
Na 2021 Aruba Airport a procesa 1.842.864 pasahero y mas di 24 mil avion cu a subi-baha riba e pista. Como un forsa economico importante, Aruba Airport ta hopi envolvi den e esfuersonan di continuidad, crecimento sostenibel di turismo, mehoracion di conectividad entre e islanan ABC y den e region di Caribe, y e futuro di aviacion incluyendo exploracion di biahe electrico (electric flying).
E proyecto di expansion “Gateway 2030” ta actualmente canando bon y ta inclui expansion di terminal, mehoracion, mientras ta teniendo debidamente cuenta cu standard di certificacion ecologico di renombre mundial y introduciendo tecnologia nobo y sostenibel. E expansion ta inclui e ampliacion di capacidad den e area di yegada, area di seguridad, sistemanan di maneho di ekipahe, sala di espera, bus gates y un shopping plaza. E actual fase 1A ta programa pa keda completa na final di 2024 mientras e fasenan nobo y otro componentenan cu ta forma parti di e proyecto Gateway 2030 ta ser desaroya y determina e aña aki.
E relevancia di turismo pa e isla di Aruba y siguramente pa AAA tabata semper cla. AAA lo continua probechando cualkier oportunidad pa reconsidera con nos por facilita hasta miho ainda e isla di Aruba, su economia y su comunidad pa garantisa cu turismo keda relevante y ‘rethought’, y ta mas sostenibel posibel. No lo garantisa solamente e creacion di experiencianan placentero y autentico na Airport Aruba pa nos biaheronan y nos comunidad di aeropuerto en general, pero tambe pa continuamente salvaguardia cu esaki ta haci di un manera sostenibel.
