Como un proyecto cu a wordo lansa na inicio di 2022, The Ritz-Carlton, Aruba y The Aruba Marriott a introduci FUTRX, un programa educativo y practico destina pa desaroya futuro hoteleronan. 15 studiante local a forma parti di programa FUTRX pa seis luna largo y a adkiri e conocementonan y habilidadnan principal cu e obhetivo pa persigui un carera den hospitalidad.

Den colaboracion cu Educacion Profesional Intermedio (EPI) y Universidad di Aruba (UA), e empleadonan di The Ritz-Carlton, Aruba y The Aruba Marriott a crea e programa FUTRX por medio di entrenamento, y experencianan na ambos hotel, cu guia di expertonan y lidernan den hoteleria.

Un amplio entrenamento teoretico y practico cu a consisti di seis etapa den e areanan operacional di hotel y casino, cu enfasis riba servicio excepcional y e balornan fundamental di Marriott International.

Cada luna e studiantenan a enfoca riba un area specifico cu e resultado final cu nan por pone e conocementonan adkiri den practica. Den e luna di september e studiantenan cu a forma parti di e programa FUTRX, a clausura e exitoso trayecto aki y dunando inicio na oportunidad pa expande nan red profesional y un carera den e industria hotelero.

FUTRX ta esforsa pa contribui cu Aruba su turismo, cu ta uno reconoci globalmente y integro den e economia y bienestar di nos isla. The Ritz-Carlton, Aruba y The Aruba Marriott ta sumamente satisfecho cu e prome grupo di FUTRX y di e oportunidad pa sigui brinda un programa dinamico y innovativo pa contribui cu Aruba su turismo.

LEAVE A REPLY

Please enter your comment!
Please enter your name here