Cu e yegada di Fin di Aña ta e momento unda mayoria di hende ta cuminsa inspira riba e decoracion di Pasco pa duna un toke di alegria na nan hogar. Esaki ta e fecha preferi di hopi di nos siguidonan y p’esey nos a trece e informacion necesario den Focus Digital Magazine con pa luci un decoracion chic.
Asina ta prepara bo mes pa e tononan tradicional hunto cu algun tendencia nobo extra pa embeyese e fecha hopi special aki. Entre e tendencianan cu ta sobresali pa decora e Pasco aki, nos ta haya e ‘Low cost’ of loke bo mes por traha. E tononan metalico manera oro, rose gold y plata, blanco mescos cu cora y blauw celestial ta inspira e aña aki pa pone e temporada di Pasco briya hopi bunita.
Cua ta e color pa Pasco 2022?
Mas cu un color… Colornan: E aña aki Pasco ta yena di encanto, awendia nos ta decora nos hogar pa sinti nos mes bibo! Nos ta bet pa un decoracion cu ta inclina pa un Pasco yen di briyo y e tononan vibrante, pa duna homenahe na speransa y e tradicionnan special di e fechanan aki.
E tendencianan pa Pasco 2022 ta bin riba un palette amplio pa asina crea e espacionan di mas cozy y pa haci e encuentronan familiar mas agradabel. Den Focus Digital Magazine di e luna aki por haya tur detaye con pa eligi entre estilo di e decoracionnan completamente distinto combinando textura, color, briyo y elegancia
Autor: Emma Boj – Espacio Creativo
