E fin di siman mas spera di 2022 ta yegando cerca, unda Renaissance Convention Center ta estrena henter e ballroom completamente renoba pa Cirque du Soleil Charity Gala. E fiesta aki ta e oportunidad mas grandi di Kiwanis Club of Aruba pa recauda fondo, pa asina por sostene diferente fundacion y proyecto cu ta conta riba e club anualmente
E bandanan riba escenario diabierna 18 di november ta Buleria, ‘N Fuzion y Tsunami, cu ta bay anima e fiesta y uniendo e line-up musical aki, Ataniro lo t’ey pa pone ambiente total. E aña aki tin un biaha mas DJ Edson cu semper ta mescla su cancionnan den su estilo unico. Entretenimento acrobatico di e famoso RCC Aruba cu lo haci un ‘midnight show’, y Aerial Dance & Performance Aruba cu durante henter anochi ta duna nan show di baile y actonan aerial.
Kiwanis Club of Aruba ta gradici pa e parti di set-up y decoracion: Elite Productions, House of Mosaic y Renaissance Convention Center, cu ta yudando enormemente pa Renaissance Convention Center keda espectacular. Un danki grandi tambe pa e sosten ricibi di e socionan cu ta patrocina e charity gala: Divino, Cava Aruba, Hodgson Trading, Tropical Bottling, Ellcey Trading y Craft Beer Lovers. Ademas di e diferente barnan cu variedad di bebida, lo tin un buffet exkisito pa delieta tur hende presente.
Pa tickets por acerca e miembronan di Kiwanis Club of Aruba of por manda un email na [email protected]. E fiesta ta cuminsa 8or y mey diabierna anochi y lo termina diasabra 2or y mey di madruga. Un fiesta sigur cu ningun hende no por perde!
