E prome edicion di aña 2023 tin riba su portada Kiara Arends, cu su deseo como Miss Universe Aruba ta pa su logro ta un inspiracion pa kere den bo soñonan. E kier pa mucha muhenan mescos cu ne, cu a crece riba un isla chikito manera Aruba of comunidad chikito na mundo por wak nan mes den dje y pensa cu no ta importa di unda nan ta bin sino unda nan ta bay. Cu un mucha muhe lanta den bario di Dakota tambe por yega na bira abogado, traha internacionalmente y vocivera nan opinion pa mundo tende: “pasobra nos tur ta conta”.
Kiara ta pensa cu nos tur ta na mundo pa sirbi un proposito. Mescos cu den naturalesa matanan no ta duna fruta pa nan mes sino pa otro, e ta kere cu nos ta nace cu nos talentonan pa asina por sirbi otro. Y esaki semper lo ta su meta y ta bisa; “laga mi luz briya, pa asina otronan no tin nodo di biba den scuridad y encurasha nan pa cende nan mesun luz”.
Entre su metanan pa futuro e tin na prome luga pa trece e corona di Miss Universo cas. Di eynan amplia su plataforma social cu yama BUMP (beneficiando mamanan den necesidad) internacionalmente y termina su thesis pa asina ricibi su Master of Laws Degree. Su pasion di mas grandi ta biaha, y su meta a largo plaso ta bishita tur continente maske ta un biaha.
Kaira Kaina Arends, ta actualmente na New Orleans cu e meta pa trece e corona di Miss Universe pa prome biaha Aruba. Lesa e entrevista completo di Miss Universe Aruba 2022 den Focus Digital Magazine di januari, cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
