Tin casonan di coronavirus na hopi pais despues di a bolbe na normalidad y cu e actividadnan prome cu e pandemia. Un di e eventonan mas spera pa bolbe mira, ta sin duda e certamen di Miss Universe, cual su edicion 71 a ser retrasa pa un luna y ta tuma luga 14 di januari proximo na New Orleans.  

Na inicio tabatin 85 candidata di tur rond mundo cu a bay en busca di e corona mas balora di nan paisnan natal, pero manera cu nan a yega e ciudad di sede y cuminsa cu tur e actividadnan preliminar pa yega na e coronacion, e cifra na principio a bira menos den uno. Kate Alexeeva, Miss Latvia, cu a bandona e competencia y awo ta 84 reina di beyesa ta continua den e certamen di Miss Universe 2022.

A traves di un post riba su rednan social, Kate Alexeeva a comparti cu su seguidonan y fanaticada cu el a mira e necesidad di laga e competencia door cu e ta e miho opcion. E modelo di 28 aña a revela cu for di prome cu Aña Nobo el a ser diagnostica cu Covid-19, sinembargo e ta sigui sufriendo di e efectonan. Den su mensahe el a detaya cu e ta obliga di revoca su participacion den Miss Universe e aña aki.

Instagram will load in the frontend.

El a sigiu su mensahe bisando cu ainda e no por kere cu e ta bisando esaki. E decision aki a ser tuma pa su salud y salud di e otro participantenan y nan famia, cu ta un prioridad. Kate realmente ta mustra tristo pa e decision aki cu tabata basta complica pa tuma. E organisacion di Miss Universe Latvia tambe a comparti un mensahe cu nan ta sigura su participacion na Miss Universe 2023, deseando nan reina tur cos bon y un pronto recuparacion.

LEAVE A REPLY

Please enter your comment!
Please enter your name here