Campeones Cantina & Tequila Bar, un concepto unico inspira pa e cayanan di Mexico a habri su porta na Marriott’s Aruba Ocean Club. Campeones Cantina & Tequila Bar ta cla pa brinda e pueblo di Aruba un experencia unico y memorabel caminda cu e colornan vibrante, cuminda Mexicano di calidad halto y un momento agradabel ta topa hunto.

Ingredientenan fresco y recetanan autentico ta crea un sabor di recorda, cu platonan manera “Beef Quesa-Tacos”, “Al Pastor Chicken Tacos”, y bebidanan clasico cu un “twist” manera “Classic Hibiscus Margarita”. Na yegada, e bishitante lo wordo transporta pa un mundo colorido, hibando nan den e cayanan di Mexico cu un atmosfera extraordinario. Cu un variedad amplio riba menu, sigur tin algo pa satisface tur apetit!

Na Campeones por conta cu un sorpresa den tur skina, for di e entrada cu casnan estilo Mexicano, pa fontein di awa cu un sonido relahante comosifuera bo ta den un hardin, pa e tequila bar unico, ofreciendo un surtido grandi di tequilanan di Mexico, Merca, y otro paisnan.

Campeones ta un lugar ideal pa tur tipo di celebracion, incluso esnan den grupo. Awor cu un oferta special y personalisa, caminda por disfruta di diferente plato Mexicano y alabes añadi mas segun bo gusto. Durante temporada di eventonan di sport, por mira e diferente weganan faborito y disfruta di un bar bon surti, incluyendo nos famoso margarita.

LEAVE A REPLY

Please enter your comment!
Please enter your name here