![](https://focus.aw/wp-content/uploads/2023/01/Jan-27-FunMilesDSC05154-2-1-1024x683.jpg)
Despues di 2 luna comunidad di Aruba completo a spaar carchi pa completa nan borchi di kwartet pa participa pa gana un di e premionan fabuloso di e campaña Fun Quartets. Dia 16 di januari e sorteo a tuma luga abou di supervision di Notaris Tromp di New Leaf. E entrega di premio na e ganadornan tabata ayera dia 26 di januari. Florelva Mantilla Moros a bira e ganador maximo di e Toyota Rush KR nobo nobo di Garage Cordia, cu 1 aña di seguro di Ennia y AWG 500 na gasolin.
Un pabien na tur e ganadornan di miembro di Fun Miles, como tambe palabra di felicitacion na tur Fun Quartets Partner cu a haci e campaña aki exitoso; Kooyman, Apex, Ennia, Global Paint, Botica di Servicio, Garage Cordia, Top1Toys, DA Drogisterij, Pearle Vision, Arugas, Landsloterij y JetAir. Un danki special na e empleadonan di Kooyman cu a duna un man na e Fun Miles Team den e temporada di campaña, cu a percura pa un buskeda di carchi masivo na Aruba.
![](https://focus.aw/wp-content/uploads/2023/01/Jan-27-FunMilesDSC05142-3-1024x973.jpg)
![](https://focus.aw/wp-content/uploads/2023/01/Jan-27-FunMilesDSC05158-2-1024x639.jpg)
Si bo no ta miembro di Fun Miles ainda, esaki ta un invitacion pa abo uni bo mes na Fun Miles, pa keda na altura di tur actividad y oportunidad pa gana premio cu Fun Miles y su partnernan durante e aña.