E Dia di Mama ta sigui ser un oportunidad pa bisa nos mama con importante e ta y alabes e tambe por expresa su sentimentonan. E edicion di mei cu revista Focus ta pone e Mama central, tin riba e portada Lydi Hagens hunto cu su dos yiunan; Jacquie Raven-Hagens y Mandy Oduber-Hagens. Un conexion firme di amor ta loke ta resalta entre Lydi, Jacquie y Mandy. A traves di Focus cada uno di nan banda a expresa loke nan ta admira y valora di otro, pero mas bunita ta nan stimacion mutuo.
Lydi ta conta cu riba Dia di Mama e regalo mas precioso cu e ta haya ta e WhatsApp di su yiu muhenan, cu bunita palabranan con hopi nan ta stime como nan mama. E caracteristica mas admirabel cu Jacquie ta haya di su mama ta su personalidad fuerte, su espirito intenso, dibertido y amoroso. Mandy ta admira tambe Lydi su caracter firme y fuerte, cu e ta e bida di cada fiesta y ta corda semper e hendenan pa disfruta bida.
Lo sigui elabora mas di e interesante contenido FOCUS Digital Magazine di e luna di mei den e siguiente posts durante e dianan venidero. E revista ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
