King Charles III lo ser corona como monarca di e Britaniconan, un evento cu no ta sosode na e pais desde 70 aña pasa. E ultimo coronacion na Reino Uni tabata di Queen Elizabeth II tempo Charles tabata un mucha di 4 aña. El a mustra hopi fada y laf durante e ceremonia cu a ser transmiti pa prome biaha via television.
![](https://focus.aw/wp-content/uploads/2023/05/coronacion-de-isabel-ii.jpeg)
![](https://focus.aw/wp-content/uploads/2023/05/MEI-5-CHARLES-KING-2-1024x1024.jpeg)
E coronacion di King Charles III no lo ta extenso manera di su mama, aunke si igual di luhoso. Mientras cu e coronacion di Elizabeth II a dura tres hora, ta spera cu di Charles III lo ta durante 90 minuut. E ceremonia di coronacion cu ta carga di rito, simbolo y grandesa ta tuma luga 6 di mei den Westminster Abbey na Londen.
![](https://focus.aw/wp-content/uploads/2023/05/MEI-5-CHARLES-KING-4.jpeg)
Charles III ta e heredero na trono cu mas aña di servicio den historia Britanico. E coronacion lo un ceremonia religioso solemne, dirigi pa e arzobispo di Canterbury, Justin Welby. Lo ser corona hunto cu e Rey di 74 aña tambe su casa, Camilla. E ceremonia lo tin desfile den e cayanan di e centro di Londres prome cu Charles y Camilla ser corona den Westminster Abbey.
![](https://focus.aw/wp-content/uploads/2023/05/MEI-5-CHARLES-KING-6.png)
Un multitud grandi lo acudi den masa pa e capital pa presencia e momento historico aki mientras lo tin un operacion di seguridad gigantesco. Ta spera presencia di 2000 persona na e ceremonia, entre nan tin 100 hefe di estado, miembronan di gobierno Britanico y invitadonan di otro casnan real.
![](https://focus.aw/wp-content/uploads/2023/05/MEI-5-CHARLES-KING-5-1024x683.jpeg)