Celebra ‘Dia di Mama’ na cas y sigura pa laga Mama sinti super special riba diadomingo awo dia 14 di mei. En bes di bay brunch, pakico no cambia e tradicion y purba un actividad dibertido y diferente pa laga Mama sinti stima y relaha?
Dia di Mama ta sigui ser un oportunidad pa bisa nos Mama con importante e ta y alabes e tambe por expresa su sentimentonan. Den e edicion di mei cu revista Focus ta pone Mama central, tin algun tips con pa organisa algun actividad pa comparti tempo valioso hunto y hasta por diberti manera nunca antes!
1 Breakfast In Bed – Desayuno riba cama! E ta un ‘go-to’ pa Dia di Mama. Bo por lanta tempran pa traha un desayuno casero exkisito cu tur loke mama gusta.
2 Spa na Cas – Regalando bo kerida mama un trip pa un spa ta un regalo pa Mother’s Day clasico. Sinembargo si ta keda cas por crea cu un poco di creatividad un ‘spa day’ fabuloso.
3 DIY Wine Tasting – Awendia e mamanan ta encanta disfruta un bon kelki biña y semper tin algun boter na cas. Pone e wine-opener cla pa habri algun boter y organisa bo propio DIY wine tasting.
4 Cushina Hunto – Ya sea cu bo mama ta un chef pasiona of solamente tin tres receta cu e por prepara, tuma un tempo pa cushina hunto por ta un treat maraviyoso pa Mother’s Day.
5 ‘Crafting’ – Ya sea ta un anochi di biña y pintamento of uza revista bieu pa crea scrapbook y collage, tin asina hopi obra di man facil y dibertido cu por haci hunto cu bo mama
6 Patio Picnic – Si bo ta afortuna pa tin un bunita patio, wel uza esaki! Traha un bunita cheese board, habri un boter di prosecco y drumi tuma solo cu bo mama.
7 Game Night – Reuni e famia rond di mesa na cas y disfruta di un anochi di wega estilo di antes. Incluso por purba hasta hunga algun wega online cu e famia.
Den Focus Digital Magazine ta splica y duna algun tips con pa organisa cada uno di e actividadnan aki. Si acaso bo ta un yiu cu no gusta lanta diadomingo mainta tempran, bo ta haya opcion ki otro por haci pa un desayuno na cas. Pa organisa un ‘spa na cas’ kico tur mester pa un dia di relahacion cu champagne. E revista ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
