Un satisfaccion grandi Davon Duncan a sinti ora el a gana pa KO contra Colombia den Madness Fighting Competition recientemente. El a prepara super duro y p’esey e tabata sigur cu e ta bay gana den e prome round. E logro aki a exigi un rutina di training hopi intensivo tres biaha pa dia. E parti cu mas Davon a gusta di a gana e pelea tabata di wak e alegria di su mama y su team. Pa su mama e ta haci tur sacrificio y trabou duro pa asina e por dun’e un miho bida.
Di chikito Davon a gusta e deporte di arte marcial. Di ora el a cuminsa su carera semper el a dedica tur su tempo na e sport. Cu su 17 aña el a cuminsa Kickboxing y e siguiente aña el a haci su debut den MMA y el a gana su prome pelea pa TKO. Eynan Davon a realisa cu e tin hopi talento y el a haya sa cu MMA ta su cos mes. E ta Campeon di Caribe den Muay Thai, National & International Champion di Mexico y tambe Campeon di Sur America.
Davon Duncan ta den Focus Digital Magazine di mei cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
