Prins Ludwig a gara su novia galantemente despues cu el a desmaya durante e ceremonia na misa. E pareha a casa diasabra mainta na Theatiner Church na Munich, Alemania. Sophie Evekink a recupera mesora despues di a desmaya durante su boda real. Un portavoz a confirma cu Prinses Sophie a desmaya durante e boda. Despues di un drink el a bolbe bira bon y e ceremonia a continua, asina e royal blogger ChristinZ a tweet. E corant aleman, Bild, a skirbi tambe loke un invitado a comenta cu e novia a cay patras, e novio a gare y e padrinonan a bin mesora cerca nan.

E novia real, cu awo House of Wittelsbach ta yama Prinses Sophie (34), a mustra contento ora el a sali di e misa cu Prins Ludwig (40) y a saluda e multitud cu a bin wak nan. Despues e pareha real recien casa a sigui pa Nymphenburg Palace, unda e primo di e prins, Duke Franz of Bavaria, a host un recepcion e atardi ey. Prome cu e boda un portavoz a comparti e informacion cu e celebracion lo refleha elemento- y tokenan personal, cu ta inclui e participacion di e delegacionnan di Bavaria den e ceremonia y misa, y cu lo tin hasta cuminda y bebida tradicional riba e menu.

Prinses Sophie a bisti un shimis di bruid di Reem Acra, cu manganan largo transparente y detayenan di flor di canchi, confecciona na Bavaria. El a briya cu un tiara floral cu e wela di Ludwig, Prinses Irmingard, a bisti dia el a casa na 1950 y un velo complementario di e marca ucraniano WONA. Su novio tabata clasico cu un trahe cu e insignia di Royal Bavarian House Knights Order of Saint George y House Knights Order of Saint Hubertus.

Prinses Sophie tin dobel ciudadania, Hulandes/Canades y ta un graduado di University College London y University of Oxford. Prins Ludwig a studia ley na Göttingen, Alemania y desde 2011 ta board member di Nymphenburg Aid Association. E pareha a anuncia nan compromiso na augustus 2022 y a pidi donacion pa Learning Lions na Kenia y Nymphenburg Aid Association Foundation na luga di regalo di bruid.

LEAVE A REPLY

Please enter your comment!
Please enter your name here