Despues di su hitnan na Spaño manera “Mover Todas Las Montañas, “No Soy Igual que Ayer” y “Solo Un Abraso” awo e conocido cantante Shamiro Anita ta lansa su prome cantica Gospel Latino, Urbano y Reggaeton titula “Nunca Fallaré”. E tremendo videoclip di e cantica nobo aki, cu ta yena cu hopi alegria, color y baile, a ser graba den e cayanan di Bogota – Colombia cu cooperacion di El Vacille Inc. Record Label.
E mensahe special di Shamiro den e Reggaeton nobo aki ta bisa cu bo no por ‘faya nunca’, paso Dios ta cu bo. E letra na spaño ta bisa “Nunca fallaré, Yo resistiré. Se que adelante saldré. Solo se que yo contigo nunca fallaré. Por ti viviré. En ti me respaldaré. Solo se que yo contigo siempre fuerte seré!”. Cu e cantica y videoclip nobo aki, e yiu di Corsou Shamiro ta sigui expande su musica mas y mas riba mercado Latino internacional. Produccion di tanto e cantica como e videoclip nobo aki tabata un ‘challenge’ grandi pa Shamiro, paso ta pa prome biaha cu el a canta un cantica Urbano y Reggaeton, cu no ta su estilo normal, na Spaño anto na Colombia.
Algun di e canticanan na Spaño cu Shamiro a lansa prome ku e Reggaeton nobo aki ta “Tu Me Levantas”, cu ta un traduccion di e cantica “You Raise Me Up”, “Aleluya” y “Guíame”. Cada un di e canticanan aki ya tin mas ku 100 mil views riba You Tube, di cual “Guíame” ta kibrando record cu mas di 400 mil views. Esaki ta mustra cu ta bale la pena pa wak tur e tremendo videoclipnan aki buscando Shamiro Anita riba YouTube. Por wak e videoclip Nobo di “Nunca Fallaré” na https://www.youtube.com/watch?v=n5QLFLxsTTM.
Di kurason, Shamiro ta spera cu mas y mas hende lo keda toca, anima y bendiciona cu e cantica nobo aki. Shamiro ta gradici Dios na prome luga pa logra su meta cual ta impacta mas y mas hende cu scucha su musica cu mensahenan positivo, principalmente cu e palabra di Dios. Shamiro ta sumamente agradecido na tur hende cu ta scucha y wak su musica y ta pidi tur hende pa sigui yud’e comparti e videoclip nobo aki di “Nunca Fallaré” cu tur famia, amigo y amistadnan rond mundo.
