Durante e temporada di Miss Aruba Online, Ghislaine Trinidad-Gomez tabata un di e concursantenan cu a resalta pa su talento, creatividad y carisma, logrando e titulo MAO Excellence 2021. Social Media ta algo cu el a descubri den e ultimo añanan cu e tin afinidad p’e. P’esey e ta sinti un satisfaccion asina grandi cu e ta eherce un trabou cu e gusta y a prepara pa inicia como Virtual Assistant.
Ghislaine tin un degree den Bachelor Fiscaal Recht en Economie, cu el a obtene na University of Curaçao. Durante cu e tabata formando su mes como profesional, el a cera conoci cu e amor di su bida, Quentin Trinidad. Despues cu Ghislaine y Quentin a termina nan estudio exitosamente nan a forma nan biba na Curaçao. Actualmente nan ta forma un famia di 4 y Ghislaine ta gradici Dios tur dia pa bendicion’e cu nan morocho.
Memey di tur e alegria a yega un noticia no masha agradabel pa Ghislaine. Na comienso di aña aki e mester a bay cu urgencia hospital. Despues di varios test a resulta cu e mester haci un tratamento avansa bou supervision di ICU. E mester a custuma cu un estilo di bida nobo y agradecido na Dios cu El a dun’e un segundo oportunidad.
Ghislaine Trinidad-Gomez ta conta den tur locual el a pasa aden ultimo lunanan den Focus Digital Magazine di juni, cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
