E aña aki COMPRA ta celebra 75 aña ta sirbi nos comunidad como distribuidor. Un parti esencial di nan operacion semper ta pa duna bek na comunidad y apoya instancianan cu mas mester di dje.
Nan kier a gradici empresario y pintor Sr. Franklyn Bareño, kende a bin cu un bunita iniciativa pa pinta diferente cuadra y asina recauda fondo pa instancianan local cu tin un impacto positivo den nos comunidad. Pa contribui na e bunita iniciativa aki, COMPRA LTD. a cumpra un coleccion di 6 cuadra di cual tur fondo a bay directamente pa Stichting Casa Cuna Progreso.
Casa Cuna Progreso ta un internado pa muchanan entre 0-8 aña cu ta operando na Aruba pa mas di 66 aña. Nan meta ta pa duna bon cuido, atencion positivo, amor y structura na muchanan cu pa un of otro motibo no por biba na nan cas. Nan ta duna sosten temporal den guia di e muchanan y mayornan, famia cu e meta pa e mucha por bolbe den un ambiente familiar y saludabel. Casa Cuna ta depende riba contribucion publico y priva pa por sigui opera.
COMPRA LTD a gradici e representantenan di Stichting Casa Cuna Progreso pa nan bishita y pa comparti cu nan esfuerso y dedicacion pa bienestar di e muchanan na Aruba.
