Aunke tin hopi celebridad cu tin yiu adopta, ta straño pa scucha di esunnan cu a ser adopta. Ya sea cu nan a ser tuma over pa miembronan di famia of adopta pa e parehanan cu ta desea pa duna un hogar na muchanan huerfano of abandona, hopi celebridad ta comparti cu orguyo nan historia di adopcion. Algun a descubri nan berdadero origen mas laat den bida. Aki algun persona famoso cu a ser adopta.
Bill Clinton
Naci na 1946, e di 42 presidente di Merca nunca a conoce su tata biologico. Poco prome cu Bill Clinton a nace, William Jefferson Blythe a muri den un accidente di auto. Bill despues a pasa su prome añanan cu su welonan di band’i mama mientras cu su mama tabata termina scol di enfermeria na Louisiana. Na 1950 el a regresa Arkansas y el a casa cu Roger Clinton e mesun aña. E padrastro a adopta Bill y e futuro politico a tuma su fam ora e tabata un teenager.
Liv Tyler
Liv Tyler ta yiu muhe biologico di e famoso lider di Aerosmith, Steven Tyler. Sinembargo e no a descubri e identidad di su berdadero tata te ora e tabatin 11 aña. Liv a crece cu su mama, Bebe Buell y e strea di rock Todd Rundgren, cu a cria e actriz manera su yiu, afirmando legalmente ser su tata ora el a nace. Liv ta mantene un relacion fuerte cu ambos y ta considera nan dos como su tata!
Faith Hill
Faith Hill ta un cantante country Mericano cu a nace na 1967. El a ser adopta como un mucha pa un pareha di Mississippi door cu nan no tabatin yiu. Faith a cria den un famia hopi devoto y hopi biaha e tabata presenta den e misanan tempo e tabata un mucha. Desde e tempo ey el a ricibi numeroso premio durante su carera di musica country.
Jamie Foxx
E actor y comediante Mericano, Jamie Foxx, a ser adopta algun luna despues di su nacemento pa su welonan materno, Mark y Estelle Talley, kendenan tambe a adopta su mama biologico. Varios aña despues, Jamie Foxx a bolbe conecta cu su mama biologico pa averigua dicon el a ser poni den adopcion ora e tabata un baby.
Simone Biles
E campeon olimpico den artistic gymnastics, Simone Biles, a ser adopta pa su welonan materno tempo cu e tabatin seis aña di edad. E mayornan biologico di e gimnasta no por a cuid’e debidamente door di problemanan cu droga y alcohol. Tanto Simone como su ruman muhe Adria a ser cria pa nan famia.
Steve Jobs
Co-fundado di e famoso compania Apple, Steve Jobs, a ser adopta ora el a nace na 1955. E baby recien naci tabata di a wordo adopta pa un otro pareha, pero nan a cambia di opinion y a opta pa adopta un mucha muhe. Steve Jobs semper a considera su mayornan adoptivo, Paul y Clara Jobs, su berdadero mama y tata. Mas despues, e pareha a adopta un otro yiu muhe Patti. Steve Jobs, cu ta wordo considera pa hopi como un visionario y genio, a muri na 2011.
Marilyn Monroe
E strea di Hollywood di e añanan 50 y 60, Marilyn Monroe no tabatin un infancia facil. Naci como Norma Jeane Baker, el a crece den varios hogar cu mayornan adoptivo prome cu el a ser tuma oficialmente pa Aunt Anna. E mama biologico di Marilyn, Gladys Baker, tabata sufri di salud mental fragil cu tabata rekeri pa e ta den hospitalnan psiquiatrico y no por a cuida su yiu muhe. Marilyn a muri 5 di augustus 1962, cu 36 aña di edad.
Jack Nicholson
Naci na New Jersey na 1937, Jack Nicholson ta un gigante di cine Americano. Na 1974, un periodista di Time a revela un secreto familiar, informando cu e mama di Jack Nicholson tabata su wela materno. Ethel May, cu a cria su nieto pa su yiu muhe, June por a continua cu su carera artistico haciendo comosifuera cu e ta ruman di Jack. E dos muhenan cu ya a fayece ora Jack a haya sa e berdad, nunca a revela nan secreto, un echo cu a causa un impacto grandi riba e strea di cine.
