Derchlien Dijkhoff a traha den e area di aviacion, telecomunicacion, turismo y tambe maneho di evento y proyecto cultural, deportivo y social tanto na Aruba como Bonaire. Bida na Bonaire a dun’e oportunidad pa sigui desaroya y conoce su mes como persona cu hopi reto profesional y tambe personal. Durante e pandemia e reto di mas impactante tabata combina e funcion di ta sinta den e stoel cu mester aporta na trece e isla bek riba mapa, y recobra su mes como persona.
Despues di 7 aña di a traha y contribui na e comunidad di Bonaire, Derchlien Dijkhoff ta bek na Aruba unda el a join e team di Aruba Tourism Authority. Durante un vacacion na fin di 2022 na Aruba, el a mira un vacatura na ATA y a solicita pa esaki. Sinembargo a surgi e oportunidad pa un funcion cu ta pas mas pa su personalia profesional. Asina e por aplica, amplia y sigui desaroya su conocemento y experiencia cu e ta trece cu ne y eherce e funcion den un forma dinamico y innovativo.
E funcion cu Derchlien Dijkhoff ta eherce actualmente ta Senior Product Specialist cu enfasis riba conscientisacion y comunicacion di proyectonan local den e departamento di Destination Enhancement and Product Development den e unidad di Destination Service Unit. Lesa full e entrevista di Derchlien Dijkhoff den Focus Digital Magazine di e luna aki. E revista ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
