![](https://focus.aw/wp-content/uploads/2023/07/tierra-del-sol-DSC_2976-1024x681.jpg)
Iniciando diabierna awo lo bay tin un happy hour cu sigur tabata haci falta na Aruba pa habri e weekend den un ambiente y estilo diferente. Tierra del Sol ta introduci su ‘Tapas Affair’ cu e tapas di mas exkisito complementa cu un excelente seleccion di bebida manera biña, prosecco, cerbes y un variacion di cocktail.
![](https://focus.aw/wp-content/uploads/2023/07/tierra-del-sol-IMG_3358-880x1024.jpg)
E chefnan talentoso a elabora un menu cu hopi dedicacion, cual ta diseña pa deleita e paladar cu e esencia rico di e sabornan local. Mientras ta disfruta di e delicioso fusion di sabor, cocktails y un bista impresionante di e atardecer unico di Aruba, por comparti un atardi fantastico rondona pa naturalesa hunto cu amigonan y famia.
![](https://focus.aw/wp-content/uploads/2023/07/tierra-del-sol-IMG_3356-768x1024.jpg)
![](https://focus.aw/wp-content/uploads/2023/07/tierra-del-sol-IMG_3353-699x1024.jpg)
Diabierna ultimo Tierra del Sol a lansa su ‘Tapas Affair’ hunto cu nan invitadonan, unda a ser presenta tur locual por spera riba diabierna atardi na Aruba. Desde 4 di augustus tur e personanan cu gusta bay un bon happy hour den un ambiente diferente lo tin cu bay Tierra del Sol, unda nan ta inicia 5’or di atardi.
![](https://focus.aw/wp-content/uploads/2023/07/tierra-del-sol-IMG_3351-798x1024.jpg)