Ta hopi importante pa inclui vegetal den bo dieta diario. Vegetalnan ta rico den antioxidante y nutrientenan, cu ta boost bo salud! Vegetalnan tambe ta ‘low calorie’, kiermen e ta fantastico pa come ora di baha peso. Tin hende ta haya vegetal laaf pa come, of no sa con pa cushina nan den un manera dushi.
Aki tin 5 manera con pa inclui vegetal den bo dieet
1. SOPI DI VEGETAL
Sopi di vegetal ta un manera fantastico pa consumi varios porcion di berdura den un shot. Bo por haci e berdura e ‘base’ mane un puree, y bo ta agrega diferente yerba den dje pa e smak dushi. Esaki ta atractivo door cu e ta un manera facil pa cushina y come berdura.
Por traha diferente sopi manera:
- Sopi di Wortel
- Sopi di Tomati
- Sopi di Brocolli
- Sopi di Pampuna
2. VEGGIE NOODLES
Si bo tin un spiralizer, ta hopi facil pa traha veggie noodles! E ta un manera great pa haya mas vegetal den bo dieet. Tambe, e ta un substitucion low-carb pa pasta. Por haci veggie noodles cu diferente sorto di berdura manera:
- Wortel
- Zucchini
- Batata Dushi
Ora e noodles ta cla, e por wordo consumi manera pasta, y combina cu diferente saus, vegetal of carni.
3. SMOOTHIES
Smoothies ta great pa un breakfast refrescante of manera un snack ora bo tin hamber.
En general smoothies ta traha cu fruta, ijs, awa of lechi den un blender. Pero, tambe por agrega vegetal den e smoothie sin afecta e smaak di dje. E vegetalnan mas popular pa pone den smoothie ta spinazie y kale, y nan ta berduranan great pa uza door cu nan tin hopi vitamina.
4. LETTUCE WRAP/VEGGIE BUN
Bo por uza lechuga mane un wrap, tambe por uza vegetalnan manera champignon, batata dushi, berehein y tomati manera un veggie bun. Un dia bo no tin gana di come pan of bo ta riba un low-carb diet, esakinan ta un bon opcion. Lettuce wraps por wordo uza cu diferente reyeno, por tin galiña, carni, tofu of berdura. wrap di lechuga of ‘buns’ di vegetal ta un manera facil pa reduci e consumo di caloria. Un lechuga tin 1-4 caloria, mientras pan blanco tin hopi mas. Por haci:
- Wrap di lechuga cu galiña
- Lettuce wrap cu tuna
- Aberjein grill cu carni of galiña
5. CAULIFLOWER PIZZA
Cauliflower ta un berdura hopi versatil y tin hopi manera pa pone den bo dieet, manera aros di cauliflower of manera cauliflower pizza. Bo ta reemplasa e pizza crust cu un cauliflower crust. Pa traha e cauliflower crust, ta combina cauliflower, webo, hariña di almendra y bo condimentonan preferi. Bo ta agrega bo mesun toppings, manera saus di tomati, keshi, ham, pepperoni of otro berduranan.
