E pop icon, Britney Spears, a comparti un post riba Instagram dialuna 28 di augustus, cu un mensahe straño con e ta deal cu e consecuencianan di su inminente divorcio di Sam Asghari. Den e mensahe cu el a comparti di un imagen con den bida real tambe bo por silencia hende y cu esaki ta yama limite, cual ta geprint riba un porta shinishi.
Britney ta revela supuesto detayenan riba kico lo a pone, cu el a separa di su casa cu ken e no ta bibando hunto mas. Segun un fuente a bisa cu Britney ta cambia di cayente pa friu den un instante. E tabata grita Asghari cu e ta un estafador, cu e tabata informando den secreto su famia, cu el a gañ’e pa lag’e kere cu e ta stim’e y cu e tabata solamente uz’e pa haya fama y rikesa.
Un fuente adicional a declara cu Asghari a cansa di Spears su inconsistencia pa cu ne. Sam a wanta hopi cos, su comportamento instabil cu a push’e te na limite, pero Britney awo ta pensa cu semper Sam tabata explot’e como un fuente di ingreso, cu nunca el a stime di berdad, e fuente a laga sa di e pareha. Britney Spears y Sam Asghari a casa na juni 2022.
