SHAKIRA TA CONVERTI DEN ‘TROMPETA HUMANA’ DEN SU CANCION  EL JEFE

Tur cos ya ta cla pa e lansamento di e cancion nobo di Shakira, ‘El Jefe’, cu cual e cantante barranquillera lo bolbe tuma un ritmo cu el a explora na inicio di 2000 cu su disco MTV Unplugged y cu el a laga reserva pa su era musical nobo. Ta trata di melodianan componi pa zonidonan Mexicano cu perfectamente por disfruta den ritmonan manera esnan conoci como ‘norteño’, ‘corrido’ of incluso ‘ranchera’.

‘El Jefe’ no ta conta solamente cu e stem y talento di e Colombiana, sino cu e lo ta un colaboracion nobo di e diva pop, e biaha aki cu e banda Mericano di musica regional Mexicano ‘Fuerza Regida’, cu a traves di nan lider a bisa cu nan ta hopi emociona pa por comparti studio y cancion cu e muher di ‘Hips Don’t Lie’.

“La trompeta humana en mi próximo sencillo 😈 EL JEFE – 20 SEPTIEMBRE 🤠”, Shakira a post riba su Instagram, unda e ta canta manera den un trompet, cu a ricibi un cantidad di comentario den cual su siguidonan a skirbi cu nan ta sorprendi pa su talento na ora di crea musica y incluso su coleganan ta alaba su tecnica asombroso pa logra e zonidonan asina caracteristico mescos cu tabata ser haci pa e leyendanan manera Michael Jackson, Freddie Mercury of incluso e propio Joe Arroyo.

Pero esaki no ta e unico cu lo ser mira di Shakira den ‘El Jefe’. E cantante mes tambe a dicidi di revela un di su momentonan mas intimo, comico, musical y hasta exploratorio desde su studio di grabacion na momento di haci e cancion aki. Si ta asina cu tur hende sa cu e cantante Colombiana aki ta toca hopi instrumento manera guitara den su presentacionnan, drums, piano y harmonica, niun hende a pensa cu e mes por converti den uno.

Instagram will load in the frontend.

Tal manera cu el a mustra den su mas reciente video riba Instagram, el a cataloga su mes como un “trompeta humana” door cu e mes ta haciendo zonidonan hopi similar na loke e instrumento di biento aki ta realisa, pero solamente uzando su stem, capacidad di su pulmon y un interaccion casi perfecto entre e musculonan di su cara y su mannan.  

E mas increibel di e caso ta cu e ta zona no solamente manera un trompet, sino cu e ta dune un color hopi clasico como sifuera e ta trata di toca un marcha di siglo 17. E ta logra subi y baha varios nota segun loke e ta scuchando den su headphones. Mayan diaranson e cancion ‘El Jefe’ ta planea pa aparece riba tur e plataformanan digital, incluso esnan di video.

E single aki ta yega despues cu Shakira a logra triunfa den e reciente MTV VMAs 2023, unda el a ser galardona cu e premio ‘MTV Vanguard Awards’ y esaki a dune e posibilidad pa presenta un show di 10 minuut den cual el a canta varios di su exitonan den un di su presentacionnan mas iconico di VMAs. El a laga hopi sa tambe dicon e ta ser cataloga como e diva di ‘Hips Don’t Lie’ cu su baile sensual Arabe cu cuchiu.