Rey Willem-Alexander, Reina Máxima y Prinses van Oranje a core den e Glazen Koets pa Koninklijke Schouwburg na Den Haag, unda e Rey a dirigi su discurso durante aña Parlamentario Hulandes conoci como Prinsjesdag. Na e yegada e famia real a saluda e vaandel di Korps Mariniers.
Prinses Alexia no tabata den e Glazen Koets hunto cu su mayornan y ruman Amalia, pasobra esey ta destina pa e (futuro) jefe di estado. E Prinses a bay Koninklijke Schouwburg acompaña pa su omo Prins Constantijn y Prinses Laurentien den e koets Galaglasberline.
Algun luna pasa Prinses Alexia a cumpli diesocho aña y esey ta significa cu e lo ser mira cada biaha mas na e eventonan oficial. Awe Alexia a asisti pa prome biaha na Prinsjesdag luciendo un shimis largo fucsia di Zhivago y un adorno den su cabey, unda despues el a saluda pa prome biaha e multitud riba e balcon hunto cu e demas miembronan di famia real.
