Riba e fecha 10 di october ta ‘Dia Mundial di Salud Mental’ cu ta un dia internacional di conscientisacion y accion cu a ser reconoci na aña 1992. Pa enfoca riba e importantancia di salud mental e psicologo, Meliza Lopez, ta elabora riba e topico aki den edicion di Focus Digital Magazine di october. Meliza ta un gezondheidszorgpsycholoog, specialisa den desaroyo di mucha y hoben, cu tin su propio consultorio PYSMIA.
Meliza Lopez a gradua 2007 na Universiteit Utrecht y a obtene su Master of Science diploma como Psycholoog cu specialismo den Mucha y Hoben. Meliza a traha na Hulanda te cu 2011 y e aña ey mes el a bin traha na Aruba. Na 2016 el a bay bek Hulanda pa haci e Post-master opleiding tot Gezondheidszorgpsycholoog (BIG-registratie) y a gradua na 2018. Meliza ta registra como (superivisor) Cognitief Gedragstherapeut VGCt®. Terapia Cognitivo Conductual ta un metodo hopi efectivo pa trata diferente problema psychologico.
Meliza Lopez pronto lo obtene su registracion como Systeemtherpaeut NVRG. Esaki ta un gezin- en relatietherapieterapie, cual ta un forma di psychoterapia unda personanan yega na e cliente tambe ta participa den e terapia. Na 2024 e lo continua e trayecto pa obtene e registracion EMDR-practitioner VEN. EMDR ta un metodo pa trata trauma psychologico. Tur e registracionnan menciona, ta di asociacionnan renombra na Hulanda y pa obtene nan ta rekeri añanan di practica, estudio y supervicion.
E trabou di Meliza como psycholoog tapa investiga, identifica y diagnostica problemanan y fortalesanan mental, emocional y di conducta. Pa duna conseho encuanto solucionnan y haci terapia cu mucha, hoben y nan mayornan/cuidadonan pa yega na mehoracion di nan funcionamento y desaroyo. Su meta semper ta pa ora un cliente sali di su consultorio, nan curason ta mas descarga, nan sentimento mas positivo y cu speransa nobo activa.
Meliza Lopez gusta traha hopi cu mucha y hoben entre 4-18 aña y tambe cu mayornan/cuidadornan of e famia cu ta biba na cas di e mucha/hoben. Si e mester scoge un caso so cual e ta atende mas frecuente, e lo bisa cu ta problemanan di ansiedad cu por presenta nan mes den diferente forma, p.e. trauma, problema di conducta, concentracion, of interaccion social cu famia of amistadnan.
Lesa e entrevista completo di Meliza Lopez den Focus Digital Magazine, cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
