E aña aki sin duda Andrew Steba a haci un debut impactante como diseñador cu su creacionnan riba escenario na Aruba. Desde chikito su soño tabata pa un dia e yega na diseña pa e reinanan di beyesa y manifestando esaki el a logra despues di Aruba pa su trahenan wordo luci riba un plataforma internacional. Andrew ta sinti prome cu tur cos honra pa por a forma parti di e ekipo di diseñador di Ambar Ursulita Tovar, Miss Teen Mundial Curaçao y 1st Runner-Up Miss Teen Mundial 2023.
Cu e paso aki Andrew haya oportunidad di showcase su creacionnan den un certamen internacional, cual ta algo cu el a soña cu ne. Esaki sigur ta un motivacion pa e sigui su soñonan. E no por a pidi pa un miho modelo luci su creacionnan, pasobra Ambar a luci nan na un manera unico. Andrew a crea en total 4 trahe pa Ambar y el a inspira den e personalidad di Ambar, mirando cu e ta un hoben cu ta proyecta frescura, elegancia y dulsura.
E experiencia trahando cu Miss Teen Mundial Curaçao y su team tabata uno sublime, for di ora cu Andrew Steba a cera conoci cu Gionel Virginie y Ambar Ursulita Tovar, el a sinti un respet mutuo. Esaki a facilita e proceso inmensamente, unda cu el a haya libertad completo pa por diseña y confecciona e looks pa Ambar. E experencia aki a sa di challenge Andrew debi cu esaki tabata su prome biaha cosiendo bisti sin cu por haci fitting door cu e tabata na Aruba y Ambar na Corsou.
E creaccionnan di Andrew Steba lo ta riba pasarela di Aruba Fashion Week hunto cu otro diseñadornan di Aruba dia 4 di november. Andrew ta conta mas di su ultimo experiencia den Focus Digital Magazine di october, cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
