E experiencia di Roberto Avalo como parti di e ekipo di Miss Teen Mundial Curaçao 2023 tabata e definicion ideal pa cu e tempo di Dios ta perfecto y cu e bendicionnan no ta yega ora bo kier sino ora bo mester di nan. Un oportunidad pa sigui crece y siña, pero alabes mustra su talento y kico e ta haci. E oportunidad di por sigui crea un networking ainda mas grandi y por sigui conecta cu e mundo di beyesa cual ta su pasion di mas grandi.
Como profesional den e area di beyesa Roberto ta logrando hopi y e por expresa libremente di ta den su miho momento como profesional, pero tambe creciendo como persona cual den su opinion ta lo mas importante. Un satisfaccion como profesional den e mundo di beyesa ta di por mustra nos cultura y conocemento, ken nos ta y di unda nos ta bin. Por demostra cu nos tur tin un luz cu ta yuda iluminando e mundo aki. Sin mester paga esun di niun otro pa por briya.
Roberto ta alimentando su alma, mente, curason y su habilidadnan pa sigui duna di su mes sin lubida di e humildad y di unda e ta bin. Cu e por bisa cu su nomber ta Roberto Avalo y e ta bin di Aruba, y wak con e mundo henter ta habri nan porta pa ricibi e bunita mensahe cu como persona y profesional e tin pa ofrece.
Lesa e entrevista completo di Roberto Avalo den Focus Digital Magazine, cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
