E cambio di The Beauty Lounge pa un localidad nobo tabata un venture entre busca un luga nobo, cu ta accesibel na tur cliente y adapta na un concepto nobo. E propietario y estilista, George Bislip, a tene cuenta cu hopi detaye manera e infrastructura cu mester ta apto pa carga un salon di beyesa. El a haci cambio tambe di orario pa asina por brinda e miho servicio na su clientenan.
George ta sinti hopi bon den un area nobo, super contento di por a haya un localidad den centro di nos ciudad y explora oportunidadnan nobo pa The Beauty Lounge. Manera e slogan ta bisa: “Ban bek Playa”. Otro aña George ta cumpliendo 10 aniversario realisando un trabou cu ta su gran pasion. E retonan tabata hopi, pero un di nan tabata siña landa den awa bruto den e mundo di negoshi, tuma desicionnan sin tin experiencia. Y siña di cada cos.
Diaranson anochi e Prome Minister di Aruba, Evelyn Wever-Croes, a haci e apertura oficial di The Beauty Lounge na e localidad nobo na Oranjestad cu ta situa den mesun edificio cu SOLMED Air Service. Pabien y Exito na ambos empresa.
Download bo revista awo!
