Durante transcurso di e 25 añanan ta hopi alumno a yega di forma parti di The Chaz Modelling & Talent School. Su fundado, Chastity Kock-Hodge, a cuminsa cu un grupo di alrededor di 70 hoben y apenas 5 mucha chikito. Despues cu añanan el a bay ta enfoca mas riba e muchanan. E ta traha den diferente area manera modelahe, baile, public speaking, cuido personal, preparacion pa Reina di Carnaval, certamen di beyesa tanto local como Internacionalmente.
For di e tempo cu Chastity a cuminsa cu su mesun scol pa awendia, e ta bisa cu tin asina tanto mucha y hoben cu a pasa den e scol, cu tin biaha e no ta corda nan nomber mes mas, pero e caranan si e ta reconoce. E ex-alumnonan semper ta keda acerca Chastity y ta corda nan bunita experiencianan biba cu Chaz Models. Hasta tin algun cu a conoce otro eynan te cu nan a casa y despues nan yiunan a ricibi guia for di Chastity.
Hopi di e alumnonan cu a bay biba afo a logra metanan importante danki na nan experiencia na The Chaz Modelling & Talent School. E ta un satisfaccion grandi pa Chastity di mira nan logra nan obhetivo for di e guia ricibi cerca dje. E añanan dilanti tin hopi proyecto internacional cu Chastity lo kier logra realisa. Un di nan ta pa hiba nos talentonan local mas internacional. Tin hopi mucha y hoben na Aruba cu hopi potencial pa logra cosnan grandi den exterior y eynan e lo bay enfoca su mes mas.
Chastity ta hopi orguyoso di por a hiba tres di su muchanan special riba pasarela Internacional y demostra nan talento. Entre e otro logronan importante den 2023 ta momento cu 3 representante di Aruba a sali ganador absoluto na Orlando Fashion Kids. Lesa mas di Chastity y The Chaz Modelling & Talent School den Focus Digital Magazine di december, cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
