![](https://focus.aw/wp-content/uploads/2023/12/d8f64e80-935a-4153-8269-e6e808e8a2d8-1.jpg)
Mientras Aruba Bank ta finalisa su luna di aprecio na e empleadonan, ta ora pa refleha riba e momentonan memorabel cu a uni nan y asina celebra nan coleganan. E november aki a resulta uno yena cu alegria y reconocemento, realisando e compromiso di e banco pa su empleadonan. E celebracion a cuminsa cu un “happy hour”, bon musica y reparticion di un t-shirt conmemorativo. Esaki a set e tono pa un celebracion di un luna completo di e empleadonan na Aruba Bank.
![](https://focus.aw/wp-content/uploads/2023/12/c07d171c-e584-4339-8065-b19b0c14031e.jpg)
![](https://focus.aw/wp-content/uploads/2023/12/f88d3be7-f865-4f01-a89b-d074c04bc82a-1.jpg)
E luna tabata yena di actividad pa demostra aprecio y gratitud na tur empleadonan, manera:
• Sorpresanan di desayuno: Pa start e dia manera mester, nan a reparti un dushi desayuno na tur e empleadonan.
• Cuminda di Accion di Gracia: Un cuminda special pa expresa gratitud durante e temporada di Accion di Gracia.
• Cosnan dushi: Un dia dedica pa satisface e boca dushi cu donutnan delicioso.
Esakinan ta gestonan chikito di aprecio cu tabata hopi exitoso entre e coleganan na Aruba Bank, agregando un toke di calor na nan rutina diario.
Un enfoke clave di nan actividadnan e aña aki tabata riba weganan virtual, enfatisando riba construccion di ekipo:
• Conexion Virtual: Weganan diseña pa yuda conoce nan coleganan miho.
• Reto di weganan di arcade: Weganan digital dibertido, competitivo, y atractivo.
• Mini “scavenger hunt”: Un twist digital na e wega clasico, agrega un tiki diberticion na e dianan di trabou.
• “Hersen Gymnastiek”: Un actividad di pensamento desafiando 12 ekipo participante.
E evento mas notabel tabata e competencia di decora porta, unda a mira participacion entusiasma di 23 departamento na Aruba Bank, realisando creatividad y esfuerso di ekipo. Nan a conclui e luna cu e evento di reconocemento, un grandioso celebracion na Villa Floralina, cu e tema Wild West. E evento aki tabata un evento pa honra e coleganan na Aruba Bank:
![](https://focus.aw/wp-content/uploads/2023/12/8643fafd-81b5-4111-af87-0bd282a05897.jpg)
![](https://focus.aw/wp-content/uploads/2023/12/2023Aruba-Bank_99-1024x684.jpg)
![](https://focus.aw/wp-content/uploads/2023/12/2023Aruba-Bank_104-1-1024x684.jpg)
• Empleado di Aña – Front Office: Mirugia Silberie
• Empleado di Aña – Back Office: Mirouska de Cuba
• Lider di Aña: Noraiza Hart
• Team di Aña: Departamento di “Cash Operations”
• Premio di “lifetime achievement”: Marjan Groot
![](https://focus.aw/wp-content/uploads/2023/12/2023Aruba-Bank_108-1024x684.jpg)
Mientras nan ta finalisa cu e celebracion na Aruba Bank, nan ta wordo recorda di e forsa y dedicacion di e coleganan. Cada actividad, cada sonrisa, y cada momento di reconocemento ta reforsa nan compromiso pa cultiva un cultura di trabou sostenibel y aprecio. Esaki ta pa nan empleadonan, e curason di Aruba Bank!