Den e edicion di Focus Digital Magazine di november e psicologo Sonensein di Mindful Love Aruba a toca e tema di amor propio y pareha. A describi cu como ser humano nos tur tin necesidadnan cu nos ta desea pa nos pareha yena pa nos, pero hopi biaha ta bashinan cu ta na nos mes pa yena. Door cu no tur ora nos ta comunica esaki, e necesidadnan por wordo mira como exigencianan. Nos pareha no ta ekipa pa por aporta na e necesidad of simplemente no ta interesa. Un relacion asina tardi of trempan lo caba, pasobra e pareha no ta vibra riba mesun frecuencia cu nos y ‘resentimiento’ ta cuminsa.
Aunke cu kisas e no ta mustra, e ta un bendicion (blessing in disguise) cu e relacion aki a yega su final. E ta duna un oportunidad pa ta bo so y siña disfruta di esaki. Siña tambe kico bo ta acepta y kico no, cua tabata e red flags di bo pareha pero ainda mas importante: cua tabata bo mesun red flags! Den edicion di december, Sabrina Sonensein ta splica detayadamentede dicon nos no kier wak nos mesun red flags den spiel y ta honesto cu nos mes. Haya sa cua ta 11 red flags di nos mes den e revista cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
