![](https://focus.aw/wp-content/uploads/2024/01/AB_CE_paulus-0574-1024x682.jpg)
Awe ta marca un dia special pa Aruba Bank y Impact Blue cu ta inicia cu nan prome presentacion di e Circular Economy Project na Sint Paulus School na San Nicolas. Den un esfuerso colaborativo, Aruba Bank y Impact Blue a tuma e prome pasonan pa promove educacion di sostenibilidad door di introduci e proyecto di Circular Economy cu ta consisti di presentacion na vijfde klas di scolnan basico y alabes un School Challenge cu premionan atractivo pa tur scol cu participa.
![](https://focus.aw/wp-content/uploads/2024/01/AB_CE_paulus-0291-1024x682.jpg)
E iniciativa su meta principal ta pa educa y inspira e futuro generacion tocante e importancia di practicanan sostenibel y e impacto positivo riba nos comunidad y medio ambiente.
Sra. Roxanne Croes, Sr. Marketing Officer na Aruba Bank, a expresa nan entusiasmo: “Nos ta hopi contento pa lansa e proyecto di Circular Economy hunto cu nos partner, Impact Blue. E iniciativa aki ta simbolisa nos compromiso pa forma un futuro mas sostenibel door di implementa balornan eco-conciente den curason y mente di nos muchanan”.
![](https://focus.aw/wp-content/uploads/2024/01/AB_CE_paulus-0443-1024x682.jpg)
E prome presentacion a tuma lugar na Sint Paulus School, y ta invita tur scol basico cu ta desea di forma parti pa registra mas pronto posibel pa ricibi e presentacion na nan scol. Pa mas informacion por bishita https://arubabank.com/Campaigns/2023-circular-economy
![](https://focus.aw/wp-content/uploads/2024/01/AB_CE_paulus-0344-1024x682.jpg)
Aruba Bank y Impact Blue ta contento di por traha hunto pa sigui desaroya proyectonan impactante pa construi un comunidad cu un futuro resistente y sostenibel.