E di dos portada di Focus Digital Magazine di januari ta ilustra C-Zar & Chelsea Olarte, cu ta conta con nan a ricibi cu lagrimanan di felicidad e noticia di un baby na caminda. Nos por corda cu e compromiso di C-Zar y Chelsea tabata esun mas romantico di aña 2021 riba e fecha memorabel di 20 di november. E aña siguiente riba mesun fecha a celebra nan enlace matrimonial di un forma magico.
Nan kier a simbolisa e dia aki, pa ta e dia di nan amor y FOCUS a comparti nan bunita storia di amor. Chelsea y C-Zar a demostra di a construi den corto tempo un base fuerte y ta dirigiendo conhuntamente nan compania C&C Real Estate cu hopi exito. Pa completacion di nan felicidad ta actualmente ansioso sperando e etapa como mayor, cu e yegada di ‘Baby Girl C’ dia 18 di Maart 2024.
E nomber cu C-Zar & Chelsea a scoge pa nan yiu muher ta loke e ta nifica. Awor nan ta wardando nan prinses yega mundo pa dune bon bini pa asina cuminsa e etapa bunita di ser mayor. Lesa mas di tur loke C-Zar & Chelsea tin prepara pa Baby C den Focus Digital Magazine di januari, cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
