Awor cu PSYMIA ta den un localidad nobo, e trabou di Meliza Lopez ta continua cu mesun dedicacion manera antes, semper e obhetivo ta pa mantene un calidad halto di cuido. Despues di 5 aña di trabou duro y sosteni pa e gracia di Dios, cu pa Meliza Lopez semper ta na prome luga, el a cumpra un propiedad pa su consultorio priva PSYMIA. E propiedad a ser compra na januari 2023 y tabata den proceso di renobacion for di maart te cu november, y nan por a muda na fin di juni na e localidad nobo situa na Paradera 173.
Meliza hunto cu su ruman Omar Lopez y mayornan Stella y Hubert Lopez
Meliza Lopez ta un gezondheidszorgpsycholoog, cu a gradua 2007 na Universiteit Utrecht y a obtene su Master of Science diploma como Psycholoog cu specialismo den Mucha y Hoben. Meliza a traha na Hulanda te cu 2011 y e aña ey el a bin traha na Aruba. Na 2016 el a bay bek Hulanda pa haci e Post-master opleiding tot Gezondheidszorgpsycholoog (BIG-registratie) y a gradua na 2018. Meliza ta registra como (superivisor) Cognitief Gedragstherapeut VGCt®. Terapia Cognitivo Conductual ta un metodo hopi efectivo pa trata diferente problema psicologico.
Pa Meliza ser humilde y agradecido ta balornnan fundamental, pasobra aunke e ta hopi dedica na PSYMIA, e sa cu e tin e privilegio pa haci e bunita linea di trabou aki como psycholoog. Na mesun momento e ta reconoce e experticio di PSYMIA y reconociendo su excelencia profesional. Lesa mas con Meliza Lopez lo continua su trayecto profesional pa aña 2024 den Focus Digital Magazine di januari, cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
